Икона Божией Матери "Утоли моя печали"
| |
Молитвы пред иконами Божией Матери "Утоли моя печали"
Надеждо всем концем земли, Пречистая Дево, Госпоже Богородице, утешение наше!
Не гнушайся нас грешных, на Твою бо милость уповаем: угаси горящий в нас пламень греховный
и покаянием ороси изсохшая сердца наша; очисти ум наш от греховных помыслов, приими мольбы,
от души и сердца со воздыханием Тебе приносимыя. Буди о нас ходатаица к Сыну Твоему и Богу
и отврати гнев Его Матерними Твоими молитвами. Душевныя и телесныя язвы исцели, Госпоже Владычице,
утоли болезни душ и телес, утиши бурю злых нападений вражеских, отыми бремя грехов наших,
и не остави нас до конца погибнути, и печалию сокрушенная сердца наша утеши,
да славим Тя до последняго издыхания нашего.
Молитва из творений свт. Димитрия Ростовского
Боже, Отче Господа нашего Иисуса Христа, Отец щедрот и Бог всякаго утешения, утешающий нас
во всякой скорби нашей! Утеши каждаго скорбящаго, опечаленнаго, отчаявающагося, обуреваемаго
духом уныния. Ведь каждый человек создан руками Твоими, умудрен премудростию, возвеличен
десницей Твоею, прославлен благостию Твоею... Но вот посещены мы ныне Отеческим Твоим наказанием,
кратковременными скорбями! - Ты сострадательно наказываешь тех, кого любишь, и милуешь щедро и
призираешь на их слезы! Итак, наказав, помилуй и утоли печаль нашу; преложи скорбь на веселие и
радостию раствори печаль нашу; удиви на нас милость Твою, дивный в советах Владыко, Непостижимый
в судьбах Господи, и благословенный в делах Твоих во веки, аминь.
Cовет святителя Игнатия (Брянчанинова), который рекомендовал во время уныния как можно чаще
повторять такие слова и молитвы.
«Слава Богу за все».
«Господи! Предаюсь Твоей Святой воле! Буди со мной Воля Твоя».
«Господи! Благодарю Тебя за все, что Тебе благоугодно послать на меня».
«Достойное по делам моим приемлю; помяни мя, Господи, во Царствии Твоем».
| |